§ 8
| 1 | Et dixit deus: ecce Adam factus est tamquam unus ex nobis. |
| 2 | inridens utique deus, non adprobans dicit, hoc est: putabas te similem fore nostri? quia uoluisti esse quod non eras, destitisti esse quod eras. |
| 3 | itaque, dum supra te esse adfectas, infra te esse coepisti. |
| 4 | denique uestiuit eum tunica pellicia prius et sic ait: ecce Adam, quasi dicat: ecce amictus tuus, ecce dignum indumentum tuum, hic te uestitus decet. |
| 5 | qui diuina affectant tali digni habentur ornatu. |
| 6 | ecce quo te tua culpa deduxit, ecce nunc in hac tunica pellicia tamquam unus ex nobis aperuisti oculos. |
| 7 | circumspice diligenter: nudum te aspicis, quem uestitum putabas. |